為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 10 月 14 日

森美帶隊食平嘢

做開主持人嘅森美,最近喺無綫新劇《過街英雄》榮登「男一」,個故事仲幾得意,佢劇中擁有老鼠嘅超能力,化身「老鼠俠」四圍去查案。個角色就係威係勢,之但係森美本人就認真「論盡」;佢早前拍攝一場跳車戲,就拍到拗柴扭傷腳,隻腳仲變咗豬蹄咁腫,認真陰功豬!

日前,東姑喺觀塘一帶嘅寫字樓區,撞見佢同埋劇中女主角黃翠如,仲有黎彼得、曾航生等等嘅演員,為《過》劇開工拍外景,一行人朝早喺樓上拍嘢,到中午時間放飯,竟打破慣例「免役」唔使捱飯盒,仲由森美帶頭,大班人喺樓下一間平民食堂開餐。唔知大家係咪託森美嘅福,話晒佢出名識飲識食,睇佢主持旅遊節目《森美旅行團》,成日帶隊食好嘢,都知佢食嘢「嘴刁」,呢次估計應該又係佢帶隊,食番餐「好西」喇!

話時話,森美講嘢好似成日「窒」人「寸寸貢」,實則人品幾好。好似嗰日喺人逼逼嘅食堂開飯,大家讓座畀翠如坐個好位,唔使畀人逼同埋眼望望;反而森美唔介意坐路口位,認真抵得諗!飯後,佢同翠如繼續拍攝一場車戲,東姑見唔少途人認得森美同佢打招呼,佢仲好nice咁自己撳低車窗,同番人say hello,真係勁親民!

由森美帶隊喺一間平民食堂度食午飯,食客唔少係地盤工同埋寫字樓OL,大家為免翠如尷尬,讓佢坐一個唔使見人嘅角落位。

 

食完午飯,森美火速擸埋個背囊,又趕出去街上面拍外景。

 

唔少路人經過見到翠如都好興奮,不過,佢似乎怕畀太陽曬親,雞咁腳走!

 

由森美帶隊喺一間平民食堂度食午飯,食客唔少係地盤工同埋寫字樓OL,大家為免翠如尷尬,讓佢坐一個唔使見人嘅角落位。