梁靖琪同Chilam咀嘴

網劇《蝕日風暴》正於「黃Viu煲劇平台」熱播，雖然劇集由爸爸梁家樹監製，但於劇中飾演「娃娃兵」的梁靖琪（Toby）也未獲厚待，不但連場動作戲、又要上演生葬戲碼，還要在幕前性感上陣，加上爆發性的演技，獲得不少網民激讚！

其中一集劇情講述Toby為查出張智霖被陷害的真相，於是身穿bra top熱褲，到紋身店假扮紋身偷取所需資料，大騷火辣身材。除了騷身材，Toby還獻出劇中第一個咀嘴鏡頭，該集講述張智霖為救Toby，葉問上身一個打十個，最後更為Toby施展心肺復甦兼人工呼吸。提到與凌風的感情戲份，Toby笑言：「其真我同Chilam冇真正嘅感情線，因為喺《蝕日風暴》入面，係我鍾意佢，佢唔鍾意我o架！不過，如果可以同凌風講一句說話，我會話畀佢知，我永遠都會喺佢身邊。」《蝕日風暴》播出後，不少網友大讚Toby角色搶鏡，演技進步神速。對於以實力虜獲巴絲歡心，Toby坦言相當開心：「我都有上討論區睇網友嘅留言，記得有巴打讚我進步咗好多，覺得好感動，希望大家繼續支持我啦！」

 

 

 

Toby身穿bra top熱褲，大騷火辣身材。

Toby在劇中慘被生葬。

 

Toby表示劇中與Chilam沒有真正的感情線。

Chilam與Toby的人工呼吸成為劇中第一個咀嘴鏡頭。

不少網友大讚Toby角色搶鏡，演技進步神速。