為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 10 月 05 日

畀黎耀祥胸襲 龔嘉欣凌晨打足六個鐘

28歲龔嘉欣在新劇《殺手》中一改過去清純形象,剷青、染頭髮加全身紋身變狂野「正義」女殺手,以半價收費專殺負心漢。日前深夜11時,嘉欣現身筲箕灣追殺「收數佬」黎耀祥正追數的債仔,二人為搶人而大打出手,打足六個鐘至凌晨5時至收工。當晚拍攝打鬥其間,嘉欣不慎踢倒黎耀祥,祥仔出手擋時亦有擊中嘉欣,甚至威吔失控撞向石壆,加上吊威吔時手臂遺下的傷痕,她的肩背、手腳、下身均有瘀傷,全身貼滿膏布,又打又踢搞足六粒鐘,幸好面容無損。

嘉欣表示:「第一次拍打戲我乜都唔識,監製又要求親身上陣,有時拍到尾聲都無晒氣,力不從心。不過,祥哥好好人,就算整親佢,佢只有鼓勵說話,唔想嚇親我畀我壓力。我好欣賞同佩服佢,佢個角色要戴住個假肚腩又跑又打,比我更加辛苦,每場同祥哥嘅戲都拍得特別『甘』。」對於今次有這麼好的發揮機會,嘉欣認為能得獎都要盡做,「我冇理性感問題喇,focus只放落對打招式,唯一最怕條腰摺起會好肥。每日唔理收工有幾攰,我都會照做操腹動作,連自己都覺得好癲。最初仲擔心狂野造型嚇怕觀眾,好彩操咗馬甲線,反而多咗運動品牌商招手。」

補拍祥仔胸襲嘉欣戲份,因為一秒間縮手,嘉欣話感覺不大。

 

祥仔要打又要抱起嘉欣轉圈,當事人話體力消耗好大。

 

拍打鬥場面時,嘉欣踢爛了3吋高踭鞋個踭要換過對5吋踭的鞋繼續拍。

 

5呎4吋高的嘉欣雖然好輕盈,但出拳好有力。

 

嘉欣同黎耀祥首次合作好有火花,兩人動作連場,打到飛起。

 

嘉欣拍到周身傷貼滿膏布,監製竟然話好正常,不會憐香惜玉。

 

因為不能用替身,嘉欣拍攝前做好準備,補紋身,貼好膠紙。

 

 

 

身材不澎湃所以不覺得造型性感,「可能着短褲加高踭鞋踢腿比較突出啫。」