為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 10 月 08 日

胡渭康護膚有辦法

現年五十一歲、上世紀八十年代香港小虎隊成員胡渭康(康哥哥),都係圈中數一數二嘅美魔男。佢嘅白皙皮膚絕對經得起高清嘅考驗,而外形咁多年嚟都冇乜大走樣,仍然係靚佬一名。

早前,東姑就喺銅鑼灣發現佢嘅蹤影。當日,見佢戴住頂草織嘅紳士帽,着住T恤、短褲、孭住個斜孭袋,一身不經意嘅打扮,行咗入一間護膚品公司shopping。睇嚟佢對養顏扮靚真係好有心得,選購期間,佢仲同啲店員坐低慢慢傾,研究各式各樣嘅護膚品,好傾到雞啄唔斷!

東姑肯定康哥哥係成日幫襯開嘅熟客仔,難怪佢可以保養得宜。原來佢喺護膚方面,真係落咗唔少工夫!

睇落打扮好隨便嘅康哥哥,不經意散發佢嘅型佬味,難怪被譽為美魔男。

 

期間,康哥哥走入一間護膚品牌專門店,坐低同店員好好傾,相信佢係長期幫襯嘅熟客仔。

 

親切嘅康哥哥,同店員研究各式各樣嘅護膚品,睇嚟佢對養顏護膚好有心得。