為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 10 月 04 日

上山詩鈉放水任索女「血拼」

有「最索星二代」之稱嘅上山詩鈉女兒Hilary,遺傳晒媽咪混血兒嘅美貌,加上由細到大關係極親密,所以無論樣子定係感情,兩人似姊妹仲多過似母女。近年,去咗美國波士頓讀大學嘅Hilary,同媽媽分隔兩地,不過每當放假,佢都會飛返嚟香港黐住媽咪。早前,東姑就喺中環置地廣場,撞見到Hilary同媽咪行街。

睇得出佢哋母女感情的確超級好,上山拖住着T恤、牛仔熱褲嘅Hilary,去一間高級皮鞋手袋店度「血拼」,全程都係媽咪專注幫囡囡買嘢,不時仲幫眼畀意見,最後當然係媽咪掏埋荷包,負責畀錢找數,認真錫到個女燶!

東姑所見,佢哋母女出出入入,一時拖手、一時攬腰、一時仲搭晒膊頭,喺耳仔邊傾心事、講密偈,母女唔只冇代溝,直情好似情侶咁冤氣同埋甜蜜,呢種咁深厚嘅母女情,認真難得!

上山兩母女手蹺手行街,媽咪保養得宜,而囡囡就遺傳媽媽嘅美貌,其實佢哋更似兩姊妹。

 

Hilary同媽咪搭晒膊頭,好friend咁喺耳仔邊傾密偈。

 

廿四孝媽咪嘅上山,全程冇睇過自己嘢,主要係囡囡揀,而佢就幫眼。

 

Hilary試完鞋都會問上山嘅意見,睇嚟佢哋完全冇代溝,囡囡亦信賴媽咪嘅品味。

 

上山不時幫眼精挑細選,仲畀咗唔少意見囡囡,兩母女有商有量。

 

兩母女感情超親密,手拖手行街,鬼咁黐纏同埋冤氣。