為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 09 月 30 日

朱千雪慳家法律博士生

港姐出身、有「民選女神」稱號嘅朱千雪(千雪BB),入行後備受無綫力捧,順理成章成為花旦。不過,正當事業平步青雲上緊位之際,佢竟然選擇停工讀書,讀完中大企業傳播系碩士之後,仲嫌未讀夠,再去城大攻讀法律系博士。

早前,東姑就喺九龍塘遇上千雪BB,發現佢嘅學生生涯都幾刻苦,而佢仲超級慳家,冇因為自己係明星,特別覺得自己身嬌肉貴。嗰日下晝約兩點,着住條深藍色裙casual look嘅千雪BB,同普通學生打扮冇乜大唔同,出現喺九龍塘又一城商場,先去一間cafe買咗件三文治同埋一支水,然後趕去城大。睇嚟,佢係趕住返學上堂,所以匆匆買啲輕食頂肚就算。

東姑見佢入咗學校之後,仲會合埋一個女同學仔,上咗去城大法律學院嘅課室,同埋六、七個同學一齊傾功課,睇佢個樣相當投入,同啲同學嘅關係仲幾好添!

大概五點,千雪BB離開學校,行返去又一城商場,入咗蘋果商店,應該係為咗維修佢嘅手機或者手提電腦。東姑所見,「女神」駕到少不免多啲特別待遇,幾個店員主動上前幫佢解答疑難,超好服務!而佢行出行入商場,雖然被唔少途人認得投以注目禮;不過,佢全程處之泰然,後來仲如常般入超市選購壽司、熟食,應該係買返屋企做晚餐,慳家到揀最平最靚先買,生活認真「貼地」到暈!

入到學校,佢約埋一個女同學一齊,搭扶手電梯上教學大樓。

 

返大學之前,千雪BB先喺cafe買嘢食醫肚,仲外賣拎走。當日,佢隨便買咗三文治同埋礦泉水,呢類簡單方便又易食嘅嘢。

 

難得,千雪BB感情方面,都完全冇「女神」包袱,大方承認同青梅竹馬嘅醫生男友Justin拍拖。

 

喺人來人往嘅商場行過,好多人對佢投以注目禮;不過,千雪BB就處之泰然。

 

離開城大之後,佢入咗商場內嘅蘋果商店,似乎係整電話或者整電腦之類。

 

跟住,佢去到商場內一間大超市,揀選壽司、熟食之類嘅嘢,應該係買番屋企做晚餐。

 

不過,千雪BB似乎並未放棄演藝事業,佢日前就出發到日本拍攝旅遊特輯。