為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 09 月 23 日

10月中結婚 獨家爆骨痹承諾 陳展鵬:我會餵飽佢 單文柔:我送龍鳳胎畀佢

四十一歲的視帝陳展鵬,與二十八歲的落選港姐單文柔(Phoebe),雖然拍拖未夠兩年,但在九月十日向外宣布拉埋天窗,更決定於十月中在香港結婚擺酒。

一對準新人,日前接受本刊訪問,繼續高調「放閃」,並互向對方許下愛的承諾。曾公開表示,會用最大努力,建立一個美滿家庭的展鵬,笑言:「我會餵飽佢!」不擅長說綿綿情話的他解釋,就是「我冇得食,我都要畀佢食」的意思,承諾會盡他一切所能,照顧女方的下半生。

至於Phoebe坦言,雖然從來沒有想過生兒育女,但甘願為男方改變,她發表冧爆宣言說:「我會送龍鳳胎畀佢。」隨時準備「開工造人」!恭喜!恭喜!

結婚在即,展鵬向新娘子率先作出愛的承諾:「我會餵飽佢!」寓意盡他所能,照顧好Phoebe。

 

當兩人意見分歧有拗撬時,每次都是由展鵬先

 

母贈家傳之寶

看到陳展鵬與單文柔的感情開花結果,相信最欣喜的莫過於雙方的父母,尤其是「鵬媽媽」;近一年,她身體出了小毛病,現正休養康復中,當知道兒子成家立室後,特別開心和感動。展鵬欣慰的說:「雖然媽咪一直冇催我成家立室,但同佢講時,見到佢嘅喜悅係由心裏面湧現出嚟,好似『終於等到喇』嗰種感覺。o依家,佢日日都好開心,見到Phoebe時仲提Phoebe要改口叫佢『媽媽』喇!」據展鵬透露,鵬媽媽還預備了一份「家傳之寶」送贈新抱,但要保持神秘,他笑言:「媽咪每日不停提住呢樣嘢(家傳之寶),睇得出佢係因為非常着緊、非常開心,所以先會不斷重複!」

的確,Phoebe極度討得鵬媽媽的歡心,不時抽空陪伴老人家飲茶、食飯,但她卻謙稱照顧不周:「展鵬好孝順,照顧媽咪已經好無微不至,好多時我只係配合吓佢,做嘅實在太芝麻綠豆喇。」不過,身旁的展鵬就搶着幫口:「媽咪最鍾意飲佢煲嘅瑤柱節瓜湯。有段時間媽咪比較唔舒服,我整咗好多大龍鳳,研究咗好多藥材湯,佢都話唔好飲,但Phoebe親手整個滾湯啫嘛,佢就猛讚!」他又表示,鵬媽媽對Phoebe愛錫有加:「媽咪好多時見到佢已經好開心!加上,佢都要兼顧自己屋企,而工作上,佢呢一年仲忙過我,所以佢已經攞滿分喇!」

兩人走入英國著名的滑鐵盧車站旁的塗鴉隧道,拍攝拖新娘的鬼馬feel婚紗照。

 

展鵬與Phoebe到英國拍攝婚照時,在男方精心部署的「520」號、下站前往「MARRY ME」的巴士前,當眾跪地再求婚。

到了向女家宣布喜訊時,場面卻換上充滿喜劇感,Phoebe笑道:「我之前專登冇預先同父母講,一方面係想考驗展鵬,睇佢點開口,另方面係想睇父母最真嘅反應。」展鵬接力描述當時的情境:「我單刀直入,話有嘢宣布,就係想娶你哋個女。當時全部人靜咗一靜,跟住好似話只要Phoebe鍾意就得,要問番Phoebe,先係彈畀媽咪問,媽咪又彈畀姑姐問,跟住彈畀嫲嫲,舅母最後又彈番去Phoebe度,都幾搞笑!」Phoebe表示家人消化了消息後,都很贊成婚事。其後,進入商討婚禮地點,怎料展鵬的提議,卻嚇了女家一跳,「呢個仲好笑,佢屋企人問我打算邊度搞,我之前天馬行空諗咗好多地方,覺得土耳其都幾好呀。佢啲屋企人聽完個個呆咗,擔心嗰邊好似唔係咁安全。」後來,因為雙方的長輩不宜坐長途機,也乾脆打消了出國結婚的念頭。

兩人將求婚的心形紙戒指融入請帖裏面,繪畫了立體請帖的設計圖樣,供賀卡公司印製。