為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 09 月 26 日

謝霆鋒幫阿婆推車

謝霆鋒堂堂一個大明星,早排竟然畀東姑喺九龍城街市發現佢嘅蹤迹。而有Chef Le Mon之稱嘅佢,唔係嚟買餸,竟然大街大巷,親自幫一個執紙皮嘅阿婆推車。現場見佢仲相當落力,一路推一路笑容滿面,同阿婆有傾有講。唔少街坊見到呢個情境,個個都大感好奇,仲圍觀睇吓大明星做嘅好人好事添!

東姑之後向霆鋒嘅經理人公司「英皇」查詢,佢哋回覆話霆鋒當日正係為一個廣告拍攝。東姑估計佢應該係拍緊福利機構嘅廣告,所以佢拍得咁開心,正所謂相由心生,做善事自然更加落力。好似之前咁,霆鋒幫「惜食堂」煮飯、派飯,對住啲老人家,好似由心度笑出嚟咁,唔只孝順爸爸「四哥」謝賢,更加做到「老吾老以及人之老」。

煮好飯之後,霆鋒同義工一齊推飯去飯堂,見佢派飯畀公公同婆婆時,仲由心度笑出嚟添。

 

早前,參加Fox Life《名廚爭鋒》勝出嘅霆鋒,揀咗「惜食堂」做慈善活動,佢仲親自到中央廚房幫手煮嘢食。

 

煮好飯之後,霆鋒同義工一齊推飯去飯堂,見佢派飯畀公公同婆婆時,仲由心度笑出嚟添。