為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 09 月 20 日

高鐵922通車典禮 嘉賓名單曝光

高鐵香港段將於本月廿二日舉行開通儀式,翌日就正式投入服務。據了解,開通儀式喺當日上午大約十點喺西九龍站舉行,由行政長官林鄭月娥及廣東省省長馬興瑞一同主持。政府已分批發請柬畀政商界猛人、大紫荊得主、行會成員、政府司局長及署長、港區全國人大代表、政協委員出席及試搭首航,本刊獲悉,出席嘅位位都係重量級人物。

據悉,兩位前特首兼全國政協副主席董建華及梁振英都獲邀出席見證歷史時刻;首富李嘉誠、以及呂志和、馮國經、李澤鉅、許家印、許榮茂等「大孖沙」亦喺邀請名單上。

港鐵現任董事局成員、兩名港鐵前主席蘇澤光及錢果豐均獲邀請。此外,仲有一些專業團體代表,商會領袖,各區區議會正副主席等合共數百人。

有指政府本來考慮邀請立法會泛民議員,不過由於高鐵已高度政治化,有關方面擔心會出現預計不到的場面;本刊獲悉,部分泛民收到邀請,但多表示唔會去。

消息人士透露,當日儀式完結後,林鄭會搭首班香港駛往廣州南站嘅「動感號」歡送馬興瑞返內地,一眾嘉賓也獲邀試搭,佢哋可以選擇喺廣州南站落車,或者隨林鄭搭原車回程。

高鐵通車擇日都有段古,據了解,原來港鐵一早已揀定九月通車,諗過喺本周日投入服務,但左度右度之後最終決定廿二號搞儀式、廿三號通車,有地鐵中人抹一額汗說:「好彩無揀剛過去嘅周日通車,否則就撞正強颱風山竹襲港,隨時要改期。」

本月廿二日,特首林鄭月娥會與一眾嘉賓乘搭「動感號」去廣州再原車折返。

 

唔少「大孖沙」都獲邀出席高鐵通車典禮,當中包括李嘉誠、呂志和及許家印等。

 

本港唔少大型基建啟用都邀請行會成員出席,高鐵開通當然唔少得佢哋。