為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2018 年 09 月 22 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

睇多一線

我同有線寬頻(1097)淵源甚深,一九九三年有線電視啟播,我差不多同時間開始定期做《十點有線財經》直播,後來亦主持《投資全攻略》節目十年之久。舊年三月九龍倉宣布全面撤出通訊、媒體及娛樂業務,令一眾友好擔心咗一場,我仲喺呢個欄細數同有線嘅緣份,懷緬一番。到九月永升亞洲正式入主,有線寬頻營運穩定落嚟,今年七月免費頻道奇妙電視英文台亦已啟播。

有線英語頻道選擇主打財經資訊,唔同現有英文台對撼,我覺得不失為明智之舉。香港國際財經台當然以英語為主導,但有四小時普通話播放時間,主要喺交易時段,以大灣區為發展目標。

近年傳媒經營不易,不同媒體喺免費/收費/訂閱、紙媒/網媒、電視/OTT之間尋找新路向和平衡點。而喺不同媒體之中,手機平台相信最廣為使用,有調查指目前全球所有網站流量中,五成二來自手機,比對二○一七年係五成。隨住數據費用愈來越愈,手機喺資訊娛樂方面嘅用途早已超越通訊,舊年另外一項調查就指五成八用戶選擇用手機睇電影電視,或者「電視劇」呢個名詞都要改改喇。

中國移動香港早在二○一二年已推出流動電視服務UTV,可以喺智能手機、平板電腦、電視機頂盒等不同裝置收睇,現時共有十三條頻道。九月二日,有線和中移動香港簽訂諒解備忘錄,日後有線將向中移動香港提供電視內容、網絡資源和網絡建設維護服務,初步為期二十年並可延長五年。當中最受注目嘅當然係有線電視會為中移動香港提供內容,後者仲立刻推出新計劃,新上台客戶可以睇有線新聞、財經和娛樂三個頻道。睇返UTV現有頻道以華語及內地台為主,有線電視將會係第一個香港新聞、娛樂頻道登陸呢個平台。

電視台為其他媒體提供新聞內容並非首創,好似亞洲電視曾在二○○四年同電訊盈科合作推出「24小時亞視新聞台」喺Now播放,不同媒體亦不時尋求合作,有線新聞本身亦有喺港鐵車廂內廣播。對於今次有線和中移動香港嘅合作我就睇高一線,一來對有線嚟講會帶來一筆固定收入,二來由電視走向手機會為電視台引入新嘅觀眾層。

至於中移動香港,近期推出好多針對大灣區嘅跨境通訊計劃,以經常往來香港和內地,特別係廣東省地區嘅用戶為目標客群。加入有線電視嘅內容,相信對呢班中港兩地跑嘅客戶會有吸引力。

有線寬頻中期虧損擴大八成至二億五千四百萬港元,主要原因係廣告及訂戶收入下跌。其中電視訂戶下跌百分之六至八十三萬三千名,分部EBITDA虧損亦擴大五成五至一億九千一百萬港元。有線新聞口碑一向不俗,但二十四小時電視新聞製作好貴,靠訂戶月費實在難以支持,尋找出路真係勢在必行。相信有線加移動嘅結合,可以將香港媒體內容帶畀更廣闊嘅受眾。觀眾睇多一線,期望長遠業績能睇高一線。

相信有線加移動嘅結合,將香港媒體內容帶給更廣闊嘅受眾。觀眾睇多一線,期望長遠業績能睇高一線。