為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 09 月 16 日

吳業坤姿整護秀髮

今年先至廿八歲嘅吳業坤(坤哥),後生遙遙已經有中年男性嘅脫髮煩惱,真係陰公豬。佢前額嘅頭髮急速向後移,除咗請教歐陽震華救髮秘方之外,仲如願做埋生髮用品代言人,可以有贊助幫手護理番啲頭髮。

早前,東姑就喺大欖發現坤哥嘅蹤影。當日,佢同埋鄭則士、黎諾懿、許家傑,正為無綫新劇《反轉貴利王》拍攝外景。現場所見,四個人似係拍攝一場接人出獄嘅戲,之但係大熱天時,大家都着晒冬天衫,拍到身水身汗就認真濕滯咗啲。

東姑仲發現,頭髮特別稀薄,索汗後前額啲頭髮好易下塌嘅坤哥,就寧舍細心打理佢前額嗰「執」頭髮仔,經常不經意撥弄頭髮之餘,又緊張搵梳頭嘅工作人員,要求密密幫佢梳番靚前額「執」陰,認真姿姿整整喇!

埋位前仲着住背心、短褲嘅坤哥,頭耷耷向前輩鄭則士虛心請教,不過就被發現佢前額啲頭髮好稀薄。

 

廿八歲仔已經有脫髮煩惱嘅坤哥,經常不自覺咁,頻頻撥弄自己前額嘅頭髮。

 

大汗叠細汗嘅坤哥,前額頭髮混和汗水之後,更加似禿頭,惟有請工作人員密啲幫佢整理。

 

烈日之下,着埋冷衫跑步嘅坤哥,認真唔好受,而佢前額仲成為重災區,睇落髮線後移得幾嚴重。

 

天氣炎熱,許家傑半除半着件西裝褸,而Ken哥都唔係幾頂得住,坐喺車入面都要吹吓風扇仔。

 

真正拍攝之前,坤哥都頂唔順酷熱天氣,仲脫去一半外套散熱唞涼。

 

喺前輩面前,坤哥好識做扮晒「矮仔」,好似交通督導員咁指手畫腳,幫大家認住拍攝走位。