網上流料失控 誤當明美蓮係被騙富婆

六旬富婆與海外「工程師」展開網上情緣，累積過數二百幾次畀錢對方，最終損失一億八千萬，事件轟動整個上流社會，大家熱烈討論、大膽猜測富婆係何方神聖？

大家八卦到一個點係盲估，有人更流傳一張相，聲稱相中少女係受害富婆，相中兩名男子分別係現任美國總統特朗普及已故新世界創辦人鄭裕彤，中間嘅妙齡少女就被指係今次被騙嘅富婆。

唔係啩？睇開名人版嘅人一睇就知呢個少女係明嘉福個囡明美蓮。張相稱聲係九四年影，雖然影咗好耐，但點計明美蓮o依家都唔會變成六十幾歲嘅老婦，睇番資料佢o依家先得五十一歲。傳得咁離譜，難怪名人圈笑住話呢單騙案實在太爆，大家估到亂晒龍。

有人流傳呢張相嘅少女（中）係被網騙嘅六旬富婆，但明眼人一睇就知佢係五十一歲明美蓮，奇就奇在咁流嘅料都被瘋傳。