為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 09 月 10 日

裕美幫老外男友兜生意

三十歲嘅裕美,自從去年撻着老外Alex之後,兩人就愛得黐纏,經常喺社交網高調放閃晒甜蜜。睇嚟之前嘅婚姻失敗,仲有佢同黃子恆嘅舊情,並未有令佢對感情卻步,仍然愛得勇敢,更愛得相當投入添!

好似早前東姑參觀一個教育展覽會,就喺會場撞見佢。原來,Alex係一間外語學校嘅創辦人,身為老闆當然要駐守攤位做推廣。不過,更難得係裕美好似半個老闆娘咁,做埋「跟得女友」喺男友公司攤位度幫忙打點。東姑所見,Alex忙住招呼參觀人客嘅同時,裕美亦好幫得手,喺另一邊幫手招待女性客人。睇佢唔出傾起生意上嚟竟然頭頭是道,同客人言談甚歡,交際手腕一流,兼且長袖善舞,絕對係位賢內助。

話時話,裕美自從同呢個開外語學校嘅Alex拍拖之後,英文進步神速,不時會喺網上寫英文甜言蜜語。另外,佢又會反過嚟訓練男友講廣東話急口令,大家寓打情罵俏嘅同時,趁機學習語言,真係獲益良多喇!

老外男友Alex喺教育展擺攤位做展銷,裕美似半個老闆娘落場幫手。

 

長駐攤位嘅裕美,好落力幫忙推銷男友嘅外語學校,落足嘴頭向一名女士介紹課程。

 

交際手腕一流嘅裕美,同客人傾到有講有笑,呢單生意睇嚟十拿九穩。

 

兩人夾埋開咗個新ig,經常高調放閃,早前,裕美仲拍咗段片晒英文留言:「When you ask your boyfriend, How much do you miss me?」男友即用計數機計,答案竟然係「1,728,000秒」,冧到東姑都有啲毛管戙!

 

難得佢哋互相督促學習語言,除咗裕美英語進步神速之外,老外Alex仲講急口令操練廣東話。

 

自從裕美撻着老外Alex後,兩人愛得黐纏,希望佢經歷婚姻失敗之後,呢個會係佢嘅真命天子啦!自從裕美撻着老外Alex後,兩人愛得黐纏,希望佢經歷婚姻失敗之後,呢個會係佢嘅真命天子啦!