為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 09 月 11 日

夏韶聲同索女撐枱腳

現年六十三歲嘅夏韶聲(Danny Summer),十九歲奉子成婚,前後合共經歷過四段婚姻,都係離婚收場。雖然,o依家佢兩個女嫁晒人,佢仲有埋幾個外孫,但佢都承認現時有女朋友,感情生活真係不愁寂寞!

早前一個夜晚,東姑就喺天后巧遇Danny Summer,當晚佢着住背心、短褲,一身casual look,同埋一個長髮戴住cap帽、穿着運動裝嘅年輕女子,喺一間馳名清湯牛腩麵嘅食店撐枱腳開餐。

雖然,東姑由頭到尾都見唔到Danny Summer位女伴嘅正面樣,而佢本人亦好避忌,食完嘢馬上戴番口罩,好似慌死人認得佢咁。不過,東姑就見佢哋默契十足,食完嘢仲打包埋外賣,一人拎住一袋走,感覺好有「老夫老妻」feel,估計呢個女子應該就係佢嘅新女友喇。雖然差兩年Danny Summer就有資格攞長者咭,但係異性緣仲係咁犀利,認真佩服喇!

不愁寂寞嘅Danny Summer,有年輕索女陪佢撐枱腳歎牛腩河,難怪食得特別津津有味。

 

食完嘢撩埋牙之後,Danny Summer煞有介事咁戴番個口罩,好似慌死人認得佢。

 

埋完單之後,佢哋一人拎住一袋外賣走,好有「老夫老妻」feel。