《#後生仔》被投訴太黃太嘈
麥明詩與馮盈盈兩位港姐冠軍主持的J2節目《#後生仔傾吓偈》的內容尺度愈來愈高，上次盈盈講男人蛋蛋受傷有幾痛，又話女仔會羨慕男仔不用大肚、不會有橙皮紋、不用陰道鬆弛等。
剛播出的一集，內容講香港人愛投訴的文化，盈盈又發揮她語出驚人的威力，投訴沒做過旅遊節目的她，大喊：「連濱洲艦都未上過」，又話想「舞動肥西」，因為內地有個地方肥西搞大型舞蹈比賽。盈盈問幕後工作人員這節目有否投訴？被告知太多後，說話高八度的盈盈竟說：「太嘈一定唔關我事！」麥明詩就話阿媽都有投訴過他們經常10個人一齊說話，嘈到真的聽不到。
有KOL亦謂阿媽有說過他們講得太快，主持陸浩明（6號）就話因為節目得廿幾分鐘；盈盈亦承認每次三個人或以上一齊說話，字幕都擠爆。6號則投訴太多黃色內容，麥明詩亦謂被盈盈教壞，盈盈即高呼：「我要大控訴！呢個師姐嚟，我跟佢學嘢啫！」6號即直指：「你兩個都係道德黑洞嚟o架啦！」
麥明詩與馮盈盈兩位港姐冠軍主持的《#後生仔傾吓偈》的內容尺度愈來愈高。
馮盈盈除了語出驚人，還高八度超嘈。
麥明詩表示連阿媽都投訴他們經常十個人一齊說話，嘈到真的聽不到。
