為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 網上Fun片 2018 年 08 月 30 日

科大迎新營放飛機 臨時拒收200隻雞翼

店主感嘆,他們浪費的除了人力時間,最重要是浪費我們對食物同一番的心意。

識讀書不代表識做人?暑假快完,大專院校的學生團體陸續舉行迎新活動,找贊助更是必備元素。但有食肆在社交網站facebook批評,近日食店答應贊助「香港科技大學學生會冰川社三學生會」的迎新營共200隻炸雞翼,原定今早交貨,但學生今早突透過傳來手機短訊,草草留下「取消」及「sorry」就即封鎖食店的號碼,令食店東主大為憤慨將事件公開。

西貢小食店「髀魔」發文,透露「早兩星期前有個後生仔,話自己係科技大學學生」,提交了贊助計劃書希望小店贊助他們迎新營的一些,「我哋諗住大學生係社會未來棟樑,只係少許食物贊助當係幫下佢哋,就二話不說應承贊助佢哋200隻雞翼」。

小食店形容,「其實佢(學生代表)嚟到時態度已經不太好,佢簡單講自己係邊個之後,就叫我地贊助佢野食,我哋應承贊助佢哋,佢竟然一句多謝都無,反而仲話可以幫到我地小店喺科技大學做宣傳。老實講,如果我哋真係想做宣傳的話,實在有大把其他平台啦... 難道佢覺得我哋應該要感激佢嗎?」

小食店又指,「到咗今日交貨日子,本來我哋約好10:30am交貨,但喺半夜1點幾接近兩點,我地收到哋個年青人嘅Whatsapp話想早半個鐘拎」,「我哋一早已安排好人手,預早2個鐘頭返舖頭預備食物,而同事亦喺10:07am預備好所有食物。我哋即時通知左個年青人,佢就只係覆咗句ok。一個鐘後,大約11點左右,個年青人仲未到,同事再同佢聯絡,他話安排人手到取,再過一陣問佢,他就一句sorry,另一句cancel,然後就封鎖我哋小店嘅whatsapp。」

事件引發過千名網民聲討,揚言要找出涉事學生負責任,「呢啲咁嘅學生簡直係科大之恥。建議店主可以寫信去科大校長跟進此事。店主熱心助人,極LIKE」、 「 願他們畢業後永不被任何公司錄用」。有網民更建議一刀兩斷,「唔好贊助佢哋(大學生)啦!免費嘢佢哋唔珍惜架」、「以後的人搵唔到人贊助,真係唔好問點解,做好心都比人咁樣對待」。

小食店形容學生代表找他贊助時,已經沒有禮貌,態度不好。

 

被指涉事的學生團體「冰川Glacier」遭到過百名網民留言抨擊做法不當。

 

西貢小食店「髀魔」贊助機翼遭科大學生臨時爽約。