為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 08 月 30 日

萬綺雯匿埋煲煙

有頗長時間未有拍電視劇嘅萬綺雯(蚊蚊),近一兩年主要演出舞台劇,不過自從今年一月,同歐陽震華喺內地合演完舞台劇後,久未有新動向。其實,佢對事業向來唔係太大野心,無事忙就隱居西貢村屋,得閒種吓花、放吓狗咁。

不過,早前嘅一個晚上,東姑就喺九龍城嘅聖德肋撒醫院,發現佢同編劇老公陳十三。蚊蚊戴晒cap帽素顏冇化妝,同老公打扮都十分隨便。見佢哋兩公婆時,匿埋喺醫院附近嘅隱蔽位置,自顧自煲煙。東姑所見,氣氛都好唔對路,兩人似係滿懷心事,完全冇傾偈,默默無語,場面一片愁雲慘霧!

依東姑估計,懷疑係佢兩公婆嘅親友啱啱入咗院,而探完病嘅佢哋,正愁爆擔心親友病況。好彩,蚊蚊同十三出名恩愛兼心靈互通,一齊煲煙,互相傾訴,互相扶持,相信有乜唔開心,都好快雨過天晴啦!

蚊蚊同編劇老公十三出名係恩愛夫妻,兩公婆一樣嚮往平淡樸素生活,得閒就拍吓拖、放吓狗。

 

蚊蚊兩公婆默默無言,似係心事重重,匿埋醫院附近嘅隱蔽位煲煙。