為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 08 月 31 日

鍾景輝享受特殊優待

八十一歲人稱King Sir嘅鍾景輝,係香港嘅戲劇大師,縱橫影、視、舞台劇界多年,地位崇高,德高望重。雖然佢時有拍攝無綫劇集,專演「綠葉」老角,但佢嘅待遇同一般「綠葉」演員,簡直係天淵之別,大家對佢特別優待,敬重有加。

好似早前東姑喺牛頭角,就巧遇King Sir為無綫新劇《牛下女高音》拍攝外景,大熱天時,佢企咗一陣已經汗流浹背,劇組嘅工作人員都大為緊張,立即搵專人幫佢遞水同埋遞風扇,慎防King Sir熱得滯中暑,到時邊個擔當得起呀?

而每拍完一場戲,劇組仲請King Sir埋去公園涼亭樹蔭,好好休息坐番吓,一路坐仲不停有人服侍住,一時幫佢吹吓風扇散熱,一時遞上劇本,同佢講解劇情,對King Sir嘅禮待分分鐘仲高過好多當紅小生、天皇巨星。不過,識得尊長敬老實屬難得!

東姑現場所見,King Sir份人都超nice,絕對唔係恃老賣老啲人,有特約演員、街坊同佢打招呼傾偈,佢都好健談同大家有講有笑,絕對係一位慈祥長者,抵行內行外人都咁尊敬佢!

開工有多人服侍嘅King Sir,受到台前幕後對佢敬重有加,待遇勁過當紅巨星。

 

天氣炎熱拍外景特別辛苦,工作人員頻頻遞水畀King Sir解暑。

 

雖然King Sir劇中飾演「綠葉」老角,但出鏡見人都唔會求其,工作人員不時為佢抹汗補妝。

 

親切嘅King Sir,同特約演員、屋邨街坊,一律笑晒口、打晒招呼。

 

坐喺公園涼亭下休息嘅King Sir,有人貼身服侍,幫佢吹住電風扇仔。

 

地位崇高嘅King Sir,坐喺度就有工作人員遞埋劇本,講解劇情。