傳葉劉欲爭超區 或康山三聖二揀一區
距離區議會選舉仲剩成年時間，想下屆立法會循「超區」入局嘅人，就爭到區議會議席，先攞到「超區」入場券。新民黨主席葉劉淑儀率先透露，想爭「超區」議席。
換言之，葉太明年會選區選，據悉佢仲未決定落戶邊個區議會，港島東康山選區係考慮三之一；但同時有傳聞指，黨內快將「夠鐘」退休嘅區議員會讓位畀葉太，傳得最行係七十八歲屯門三聖區議員蘇炤成。
本刊向蘇炤成查詢，佢似乎仍有戰意，但佢補充說：「如果黨內執委有呢個（讓座）決定，都要服從。」
葉太（前右三）近排頻頻落去港島東一帶，被指係為空降康山鋪路；但亦有消息話屯門三聖有議員讓位畀佢。
