為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2018 年 09 月 01 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

奧園在大灣區的主場之利

粵港澳大灣區喺二○一七年提出,今年八月中召開首次會議,有關規劃亦快將出台,其中我最期待便利香港居民嘅措施,好似簡化內地銀行開戶,減低粵港澳手機漫遊費,以及容許香港電子錢包可以喺大灣區使用,唔使開多個內地錢包。加埋廣深港高鐵香港段以及港珠澳大橋通車,以後來往區內同喺當地工作、消費、生活都好方便,甚至唔使「唱」錢就可以北上。

粵港澳大灣區二○一六年GDP約一萬四千億美元,已超越三藩市灣區,但落後於紐約和東京灣區,不過有估計五年內大灣區GDP可超越世界三大灣區。區內快速發展,喺大灣區有主場之利嘅中國奧園地產集團(3883) 將可以乘勢進一步發展。

睇返奧園業績,二○一七年全年合同銷售四百五十六億元(人民幣,下同),同比增長七成八,其中大灣區合同銷售二百四十三億元,佔總額五成三。今年上半年,合同銷售達到四百零三億元,同比增百分之一百四十三,全年銷售目標七百三十億元。上半年核心淨利潤升六成七,達到十三點九億元。成績理想,毛利率擴張,而淨負債處於百分之六十七點五行業一般水平,債務結構亦逐步優化,因此惠譽上調公司評級至正面,德銀亦上調奧園全年銷售預測,以及之後兩年盈測。

我認識奧園管理層好多年,知道公司早已積極布局大灣區,所以目前喺區內共有五十個項目,總建築面積七百五十三萬平方米,今年五月仲同香港恒基兆業簽訂大灣區合作協議。所以大灣區可以話係奧園嘅主場。但係隨住呢個概念日漸成熟,區內地價水漲船高,公司買地會否遇到更大競爭?奧園副總裁兼國際投資集團總裁陳嘉揚(Jacky)分析,公司購地會嚴守紀律,例如上半年新增三十一個項目,其中收購併購佔約九成,平均土地成本維持喺每平方米二千元左右,而且着力爭取年內可開盤嘅項目,以確保現金流和效益。

下半年公司會繼續以併購形式,以及小部分以招(標)拍(賣)掛(牌)或舊城改造方式購地。併購目標通常有三項要求,其一係毛利率達百分之二十五或以上,二係淨利潤率有百分之十或以上,第三係快速開盤和回款,屬於穩中求進。

在房地產基礎上,奧園一直保持發展綜合地產嘅方向,其中包括文旅業務,例如在廣東英德發展文化旅遊業務,將文化和體驗旅遊融入小鎮,內裏當然亦有地產元素,仲可以帶動其他相關產業,形成商圈,為公司提供其他發展機遇。

最後值得一提嘅係,公司鞏固內地經濟核心區優勢之餘,亦有喺悉尼、溫哥華、多倫多等地發展。對於境外業務,公司一律採取本土化戰略,利用當地銀行融資、尋找當地夥伴、聘用當地管理團隊和專業顧問,最重要係服務當地買家,目標係成為真正融入當地嘅地產商。國家鼓勵企業走出去,但我好同意,只有做到本土化至能夠建立一個真正嘅國際品牌。

奧園與恒基兆業地產簽訂粵港澳大灣區合作協議。