眾星玩手指Challenge　陳煒大騷花款：要挑戰我嗎？

網上興起「Dele Alli Challenge 」，擺出看似簡單的扭曲OK手勢，原來並非人人做到。潮流源自英超球隊熱刺的球星Dele Alli用扭曲OK手勢，在對賽紐卡素時慶祝入球，引網民仿傚。圈中藝人陸續甫相騷成果，包括蔡卓妍（阿Sa）、楊千嬅、陳煒（煒哥），洪永城拍照留念時更玩低炒騷核突樣，無奈說：「我都得。多謝煒哥太平公主影得我咁靚，偉人嘅角度係唔同啲。#challenge」。

Challenge變化多多，奇趣手勢有不同花款，煒哥再挑戰用手指拼成兩個圈圈的手勢扮眼鏡、10隻手指砌5個圈、扭作一團，靈活度爆晒燈，兼且得戚問：「要挑戰我嗎？ 」。她與新劇拍檔洪永城、朱晨麗又玩手指舞，不停伸縮拇指、尾指，笑謂洪永城出貓唔轉手指，趁拍劇空檔一齊玩真愉快。

熱刺球星Dele Alli用扭曲OK手勢，在對賽紐卡素時慶祝入球，引發網民仿傚。

洪永城

「手殘」代表森美用手指拼「眼鏡」樣，挑戰失敗但勇氣可嘉，他更點名拍檔阮小儀Challenge。

結果手指短小的小儀勁過森美，挑戰成功並開心留言：「終於...做到！算唔算叫得咗？！#手指好短係醜怪啲」。

「Dele Alli Challenge 」完全難唔到手指靈活的煒哥，煒哥更挑戰用手指拼成兩個圈圈的手勢扮眼鏡、10隻手指砌5個圈等等，靈活度爆晒燈，仲得戚問：「要挑戰我嗎？ 」。