為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 08 月 29 日

馬天佑藍精靈上身

今年廿九歲嘅馬天佑(Tianyo),靠做形象設計師、KOL撈到風生水起,唔少天王天后,例如:周杰倫、蕭亞軒、容祖兒、Twins同Angelababy都搵佢做形象設計,就連賭王千金何超蓮都同佢好friend。其實,馬天佑本身都係一個富二代,屋企有錢,爸爸做生意,兩個阿哥做金融;佢喺英國London College of Fashion讀fashion branding返嚟,除咗做形象,年前仲做埋製作公司老闆,請咗廿幾個年輕人添。

做形象指導做到變成演藝界嘅icon,馬天佑當然有佢嘅過人之處。而我行我素嘅佢,向來打扮前衛,東姑早排去咗一個活動,炎炎夏日,佢為咗快人一步,已經一身秋冬裝打扮。而染咗一頭藍色頭髮嘅佢,搽埋灰藍色指甲油,簡直係藍精靈上身;跟手,佢仲專登走去搵化妝姐姐,試咗幾隻顏色嘅唇膏,然之後又影咗好多自拍照添。馬天佑能夠做到別樹一格,真係冇幾多個形象指導可以係咁。

藍精靈上身嘅馬天佑行到專櫃,化妝小姐即刻幫佢搽上最新系列嘅唇彩。

 

搽完唇彩,馬天佑立即影返張相,睇吓效果先。

 

果然係走在潮流尖端,當所有人熱到叫救命,馬天佑竟然着秋冬裝出現。