為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 08 月 19 日

李連杰拖利智四出朝聖

現年五十五歲嘅功夫巨星李連杰,近年有傳因飽受甲亢疾病煎熬而淡出幕前,只係間中客串電影。今年五月,佢到西藏行善,就畀網友影到佢臉容憔悴,駝背兼頭髮斑白,猶如八十歲嘅老翁。事後,佢刊登近照澄清身體無恙,先至令東姑同一眾粉絲釋懷。

近年,潛心修佛嘅李連杰,生活簡樸,仲不時四出朝聖。繼上月,先拖老婆利智到青海塔爾寺燒香參拜;轉個頭,佢哋上星期又被發現去咗山西嘅五台山。當日,出席公益活動外,向來虔誠嘅佢哋,亦有到寺內參拜,雖然有唔少善信圍觀,但兩人完全都唔介意。

其實,李連杰與利智就連物質生活都愈來愈睇淡,好似多年前喺上海興建,由三楝相連嘅別墅組成嘅豪宅,係就係夠晒豪華;不過,佢哋丟空咗七年都冇住過。始終,佢跟老婆同兩個女長居新加坡,間屋反而成為咗保安同清潔工人嘅天地,既用花園嚟種菜,又將啲地拖、掃把晾晒喺露台度,可以話係雀巢鳩佔囉。

李連杰同老婆利智都係虔誠嘅佛教徒,上周佢哋就結伴到五台山參拜。相片所見,利智依然皮膚白滑,保養得宜。

 

當日,李連杰嘅精神睇落唔錯,仲跟寺內嘅大師傾談有關修行嘅事宜。

 

佢收到其中一位大師送贈嘅袍,即隆而重之咁,以雙手將袍捧上頭頂。

 

 

 

李連杰喺上海嘅豪宅,外表看來美輪美奐,但一家四口卻未有搬入內居住。

 

據講,成間屋用咗足足兩年裝修,由外至內,用料豪華十足。