為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 08 月 16 日

兩陣營互有暗湧 陳凱欣撼劉小麗五五波

距離十一月立法會第二輪九西補選剩番唔夠四個月,建制派人選嘅「估領袖」過程接近尾聲,食衞局前政治助理陳凱欣因為無政黨背景,預料披甲上陣嘅機會高。佢雖然至今未證實去馬,但就新開Facebook吸引唔少前高官為佢吶喊助威,更有傳建制派本周起幫佢啟動選舉工程,拜訪各政黨。建制派嚟緊嘅地區活動,陳凱欣都會出席力谷人氣。

不少政界中人分析,陳凱欣對撼泛民潛在候選人劉小麗嘅話贏面只係「五五波」,雙方互有優劣,陳凱欣勝在形象中立,有助爭取中間選民支持,但就缺乏地區實戰經驗。

但小麗嘅選情也有暗湧,地區人士分析,「泛民喺九西嘅政治光譜好闊,包括本土派、支持黃毓民嘅激進派、撐民協嘅街坊票,以及民主黨及公民黨嘅基本盤。」小麗攞基本盤票源無難度,但與其餘三路人政治取向迥異,要佢哋全力助選,難度極高。

陳凱欣出戰九西補選嘅呼聲大,但與劉小麗之爭係五五波。