為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 08 月 17 日

租金比市值低 FCC受租金優惠

外國記者會(FCC)擬邀請香港民族黨召集人陳浩天喺本周二演講,由於該黨早前已被保安局引用《社團條例》禁止運作,喺呢個敏感時期,FCC嘅決定難免令人質疑係咪畀平台陳浩天「播獨」與政府唱對台。

FCC會址位於中環下亞厘畢道二號北座,原本係舊牛奶公司倉庫,被列為二級歷史建築。本刊試圖搵該地段嘅土地註冊紀錄,但都只係搵到南座嘅紀錄,並無北座。政府喺一六年與該會續租七年,每年租金為六百六十萬蚊,即月租五十五萬。根據政府產業署資料,FCC會址嘅面積多達一萬八千平方呎,換言之呎租係三十二蚊。綜觀同區甲級商廈嘅呎租平均達一百三十二蚊,但FCC就平咗七成半有多。

該會一六至一七年度嘅財務報告顯示,該會會員二千五百人,淨資產高達五千一百多萬,先後兩次喺中環買物業,包括○五年買入中環環貿中心一單位持有至今;另外,九二年以三百萬買入中環友信大廈一單位,○六年沽出,帳面只賺五十萬,買家係「佔中死士」之一嘅錢志健與一名姓黃嘅女士聯名。錢志健係FCC會員之一,日前開腔力撐邀請陳浩天做「學術討論」。

邀請陳浩天(圓圖)演講嘅FCC向政府租用舊牛奶公司倉庫作為會址,呎租比同區低七成。