盧啟邦拖女蜜遊

有澳門賭業猛人周焯華（洗米華）「頭號愛將」之稱嘅盧啟邦（Andrew），同唔少娛樂圈小花都傳過緋聞， 包括：港姐出身嘅許亦妮、女星何佩瑜（Jeana）、文凱玲，同o靚模Hera等。不過，數到最轟動，梗係去年有傳佢喪追女神唐詩詠，導致女方同洪永城分手喇！

有人話時間可以證明一切，最終女神雖然追唔到手，但年輕「有米」嘅盧啟邦又何愁寂寞呢？早前，東姑就喺圓方商場，巧遇佢拖實長髮索女拍拖睇戲。現場所見，個女仔眉清目秀、眼大鼻尖，外貌唔輸蝕過啲女星同o靚模，認真「嗒得杯落」。難怪，盧啟邦對佢都嗒晒糖！

散場時，盧啟邦忙住覆電話短訊，唔小心冷落咗女友；不過，佢好快趣又甜言蜜語o氹番女朋友，逗得伊人笑晒口冧晒咁依偎佢膊頭上，睇嚟佢冧女真係有一手呀！

去年中，唐詩詠同洪永城宣佈分手，跟住傳出搭上盧啟邦；不過，女方極力否認。

同索女友睇完戲嘅盧啟邦，散場即刻忙住低頭睇短訊，令女友黑面。

被忙住覆短訊嘅盧啟邦冷落，索女友都抵唔住斜睥佢，以示「詐型」。

冧女聖手盧啟邦，唔知畀咗手機啲咩嘢女友睇，