為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 08 月 09 日

關楚耀厚衫抗炎夏

關楚耀(Kelvin)第一次幫無綫拍攝劇集《特技人》,劇中飾演「男二」扮電影導演一角,戲份幾重。雖然唔似得「男一」譚俊彥咁要飛車,做啲高難度嘅動作,但係當中就有兩場戲,講佢除晒衫裸跑。好在佢平時做開gym,操到副body fit爆,除衫騷肌都唔失禮。

早前傍晚六點幾,東姑就喺中環置地廣場嘅酒店,巧遇Kelvin,見佢同埋一個男助手,抹住嘴咁離開,睇嚟係啱啱喺酒店歎完tea走人。

不過,唔知點解大熱天時,人人短袖衫褲,就算着背心都嫌熱,Kelvin居然仲玩層層叠,白色底衫外面加件長袖格仔恤,手上仲拎住件外套,唔知係唔係怕酒店冷氣凍?之不過,認真睇佢唔出,拍劇全裸仲猛話好爽好正,私下反而咁錫身!

Kelvin同助手喺一間酒店出嚟,似係啱啱歎完下午茶離開。

 

天氣炎熱,Kelvin居然發冷咁仲玩層層叠,更加帶備埋外套,唔通怕冷氣凍親?

 

喺新劇《特技人》中,Kelvin有場祼跑,向劇中嘅兄弟胡諾言認錯嘅場面,佢當時仲話感覺好爽!