陳冠希慈父上晒身

最近，黃子華喺棟篤笑騷度，重提陳冠希（Edison）嘅「慾照事件」：「佢（陳冠希）整電腦變咗畀人整蠱，嗰班受害人『s』，變晒被告『s』，然後受審、受判⋯⋯最陰功個個仲要走出嚟認錯。陳冠希教識咗全香港，唔好亂咁整電腦⋯⋯咁多年，冇人走出嚟同佢平反，因為邊個平反，邊個就係變態！仲要係性變態！」

查小欣就認為黃子華重提呢事件，咁樣係對當事人唔好；而就住呢件事，出面都有好多聲音，正反兩方面都有支持者，其實邊個啱、邊個錯，根本冇一個答案。東姑只係知道，陳冠希o依家係一個好爸爸、好老公，有女萬事足。自從去年三月，佢同秦舒培生咗囡囡Alaia之後，經常喺屋企同呢個「前世情人」玩，一臉慈父樣；同以前玩世不恭嘅囂張態度，簡直判若兩人。

陳冠希仲喺社交媒體分享囡囡嘅靚相，佢仲成日帶埋老婆同埋個女，去洛杉磯同屋企人見面。而姑媽陳見飛就好鍾意同Alaia嬉戲，當咗佢係自己嘅親生女一樣；至於，爺爺陳澤民見到孫女亦好開心！所以話，就算係「冇腳嘅雀仔」都有停落嚟嘅一日，陳冠希就係一個樣辦啦！

陳氏一家人一齊外出食飯，Alaia發揮可愛本色，手上拎住墨西哥薄脆之餘，仲成個嘴都係忌廉，非常cutie。

見到囡囡咁得意，平時「寸寸貢」嘅Edison，慈父上身，好有耐性咁教佢行路。

Edison見到囡囡跌低，冇即刻扶起佢，反而由佢跌，再等佢自己慢慢爬起身。

Alaia萬千寵愛在一身，平時對住記者極度冇耐性嘅Edison，為咗教囡囡行路，非常用心。

Edison做咗老竇之後，變得生性，難怪黃子華喺《金盆

着住囡囡圖象tee嘅Edison，同秦舒培愛得甜蜜，一家三口非常幸福。