林夏薇攞盡着數
自一五年下嫁億萬富商莫贊生後，林夏薇既要拍劇，又要打理生意，忙個不停。不過，佢早前因發生交通意外，傷到頸部及手部麻痺，令老公好擔心。適逢上月初，同無綫約滿，佢決定暫時退下火線，好好調理身體之餘，順便全力「造人」，一切以家庭為重。
雖然貴為億萬闊太，但林夏薇就未有大花筒，仲好慳家添。日前，東姑見佢同個操普通話嘅女友人，喺中環ifc行街shopping；期間，佢拎住張coupon去詢問處，搵相關店舖嘅位置，繼而直奔過去買護膚品。林夏薇認真精打細算，揸住成大疊coupon，結果當然有收穫；跟住，兩女轉上去商業樓層，唔知佢係咪去接老公收工呢？
林夏薇拎住張coupon，向詢問處查詢店舖嘅位置；跟住，就同女友人趕過去。
兩女拎住一大疊coupon去購物，應該慳番唔少。
貴為億萬闊太，加上有一大叠coupon，林夏薇睇啱即買。
