為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 08 月 03 日

田二少棄選「財副」 建制派推陳振英頂替

雖然立法會正值唞暑,但各方人馬暗地裏已經籌謀新會期財委會副主席人選。皆因田北辰已經開腔話唔再角逐財委會副主席一職。田二少對外解釋,因為「票債」好難還。佢話如果要連任就要同建制議員拉票,「一旦真係當選,就唔可以太違背建制派主流意見。」佢聲稱想暢所欲言,做回財委會普通成員更合適。

據悉,建制派對於田二少唔選財委會副主席,反而放下心頭大石,原因係田二少「唔跟大隊」做事嘅作風令建制派尷尬。除咗財委會,身為鐵路事宜小組委員會主席嘅田二少,主持鐵路小組嘅舉動亦令建制派側目,「佢居然提出引用特權法調查港鐵剪鋼筋事件,仲通過『要求陳帆落台』嘅無約束力動議,簡直係失控。」有傳田少喺港鐵事件嘅處理手法引起建制派非議,「田二少意興闌珊,主動放棄財委會副主席,大家都好過。佢唔使成磨心,亦能夠騰出個位,讓建制派培訓新人,成為財會主席陳健波嘅接班人。」

咁邊個適合坐財會第二把交椅?據了解,陳振英嘅呼聲較大,因為佢任職銀行業多年,熟悉財務,而且佢為人隨和,同建制及泛民都老友,容易同各方溝通。

田二少宣布不再角逐連任財委會副主席,建制派有意推舉陳振英(圓圖)頂上。