為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2018 年 08 月 04 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

新世代的新世界

我在一九九○年加入周大福旗下大福證券(現稱海通國際證券),同年搬入同系新世界發展嘅會景閣,當時經常碰見鄭家純同嗰陣約十歲嘅鄭志剛(Adrian)出入。到二○○○年我離開大福後仍然一直住喺會景閣,今日仔女孫仔孫女都同住一幢大廈。

在新世界發展(0017)姊妹公司工作十年,目睹彤叔、純官年代點樣為集團打穩基礎。作為一位舊臣子,o依家見到集團發展到第三代出身,有穩固業務根基之餘,又能突破固有思維,真心為集團高興。

事實上,我一直有留意呢位「由細見到大」嘅第三代接班人。好多人認識Adrian,係佢幫新世界更新品牌,為品牌增添文化底蘊、個性和生活感。你可能覺得品牌比較虛無,但係我認識嘅九十後、千禧代,無論消費、娛樂同搵工都要配合個人口味同信念,所以年輕人都好buy Adrian嘅「The Artisanal Movement」。

Artisan有藝術品味同匠心獨運嘅雙重意義,呢個定位好能夠凸顯一項物業嘅特色。我早排去參觀新世界嘅尖沙咀重建項目Victoria Dockside,就親身感受到文化藝術點樣提升物業價值。所謂匠心打造並非單單放置幾件藝術品,而係由建築規劃開始已經要融入相關元素,而且要「捨得」劃出空間,畀美學設計概念盡情發揮。當年我經常同太座行呢度嘅前身新世界中心,嗰陣都係潮牌集中地,今日舊地重遊,覺得新設計為項目塑造全新形象,有另一番面貌。

呢個項目斥資200億港元,總樓面面積達300萬平方呎,由Adrian同逾百位國際及本地建築師、設計師打造。我特別欣賞佢放棄一般嘅富麗堂皇設計,好似天花同接待處就用回收船木帶出環保以及「Dockside」嘅碼頭主題。寫字樓部分已經落成啟用,二○一八財年(六月底止)上半年已開始貢獻租金收入。我好期待明年商場部分開幕時再同太座去行下。

投資者係睇成績嘅,我睇過一份投行報告估計項目完全啟用後每年租金收入逾二十億港元,可以為集團經常性收入提供新增長點。Adrian作為集團執行副主席兼總經理,喺業務營運方面亦都表現出敏銳嘅商業頭腦。好似北角繼園街重建項目柏蔚山就選擇咗一個好時機快速開售,呢個盤喺今年六月初開賣,避過咗政府六月底推出嘅樓市新六招,亦唔硬撼中美貿易混戰嘅亂局。推出以來一共上載咗七張價單,每次加價約百分之三至五,截稿前六百一十一個單位已賣出四百六十五個,約七成六。

投資者亦會分析一間企業嘅未來。新世界除咗好着重年輕人市場,為集團創造未來市場之外,亦都着力招聘年輕人才加入公司,共同建立未來。我見到集團其中一個企業價值係「新世代」,包括為年輕人才提供實踐夢想嘅平台,推動新思維交流,以及啟發、培育未來領袖。

新世界一九七○年創立,創業快半個世紀,我期望集團喺新世代之下可以保持年輕,繼往開來。

前身新世界中心的Victoria Dockside 是鄭志剛的心血結晶,預計完成啟用後每年租金收入達二十億元。