為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 29 日

孫耀威力撐無伴奏合唱

一轉眼,孫耀威(老孫)已出道廿五年。喺廿五年前,十九歲嘅佢,只係一名不思進取嘅大學生。不過,因為參加歌唱比賽,從此被星探發掘,改變一生。最近,老孫有感而發,上網話自己從一個傻傻的大學生到今天變成人夫,呢幾十年好多回憶、好多經歷,感激支持者!

前排,老孫獲無伴奏合唱組合「SENZA A Cappella」 邀請一齊合唱金曲。雖然講明係無酬勞,但老孫見到一班年輕人對音樂嘅熱誠,就好似廿五年前嘅自己一樣,即時深深被感動,二話不說義唱,仲好有heart,唔介意同成班隊員去後樓梯拍MV。

事後,老孫對班成員有讚無彈,更加話好難得同班年輕人擦出火花。其實,老孫力撐嘅 「SENZA A Cappella」喺香港嘅無伴奏組合界頗有名氣。多年前, 一班成員仲係匿埋喺大學後樓梯度唱歌;不過,近年,佢哋已經唱到開騷,都咪話唔巴閉。

獲得無伴奏合唱組合「SENZA A Cappella」 邀請合唱金曲,勾起老孫唔少讀大學時嘅回憶。

 

老孫非常欣賞「SENZA A Cappella」 嘅才華,笑言同對方合作即時後生晒。

 

組合嘅音樂總監King多才多藝,拍攝完,立即用電腦製作影片,畀老孫即時欣賞成果。

 

「SENZA A Cappella」 已成立十年,多年來已換了不少成員;不過,音樂總監King(左一)、團長Dennis(右一),依然堅持初心,繼續將樂團發揚光大。

 

老孫嘅靚老婆陳美詩,當日亦有到場打氣,仲影相留念添。