為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2018 年 07 月 26 日

一件頭

三點式泳衣,火辣又性感,絕對係夏天最好嘅眼睛冰淇淋。不過潮流嘅嘢,久唔久就會嚟個大循環,今個夏天,一件頭泳衣強勢回歸,成為眾女星嘅大熱item。各女神仲喺網上益街坊,施展靚靚身材曲線美,各位巴打,好排定隊,領軍糧喇喂!

 

胸湧澎湃 王麗嘉

揚言打算縮胸嘅馬詩慧二女王麗嘉,喺着泳衣上真係唔使搞咁多花臣,皆因醉翁之意不在酒,着住價值五百五十蚊嘅Calzedonia全黑泳衣,一樣好有頭睇,睇下幾咁胸湧澎湃!

 

 

出水芙蓉 姚子羚

邊個話三十七歲嘅女人就無市場?今年回復單身、重新上市嘅姚子羚,當然要騷下熟女魅力,早前佢同「胡說八道會」姊妹去咗菲律賓旅行,喺瀑布底下狂影「寫真照」,瘦底仲要有前有後,公平咩?

 

 

樸素低調 羅君兒

從事藝術創作嘅羅君兒,時不時都要出國搵靈感,今次就去咗意大利偷閒。雖然人在異地,不過防避心一樣無放低,就連着泳衣都走低調路線,以黑色上陣,坐喺遊艇上吹吹風,幾咁寫意!