為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 22 日

群星出書搶攻書展

今年書展除咗女星出嘅寫真集之外,圈中唔少藝人都有出書,而且種類林林總總,包括:散文、影集、語言、烹飪等等。

鼎爺李家鼎推出嘅烹飪書,去年係書展銷量之冠,今年佢再接再厲,推出傳統粵菜嘅烹飪書,肯定銷量有保證。而無綫小生袁偉豪、小花劉佩玥,今年首次搶攻書展,就推出文字影集。袁偉豪飛咗去印尼峇里取景拍攝,再加入文字紀錄佢嘅思想同感受。至於劉佩玥嘅相集,就遠赴美國拍攝,書中仲會剖白一吓佢嘅心路歷程。

 

 

劉佩玥自資六位數字,推出文字加相集《我的微笑之道》,書中嘅靚相仲遠赴美國拍攝。

 

袁偉豪推出嘅影集《Benontheroad》,去到印尼峇里取景,書中有唔少騷肌肉照。

 

廚藝精湛嘅鼎爺李家鼎,今年推出懷舊菜式烹飪書,銷量肯定有保證。

 

書展常客森美,今年推出新書《豬一樣的隊友》, 暢談一吓身邊唔同類型嘅隊友,包括神級隊友、蠢豬隊友,各有奇趣。Ben sir歐陽偉豪嘅新書《Ben sir體育堂》,今次就唔教潮語、唔教人睇樓,竟然係教體育。另外,由大律師轉行做補習天王嘅林作,今年書展就推出英語應試技巧嘅詞彙書;本身有韓國人血統嘅「韓流達人」宋芝齡,就出書教大家學番幾句實用韓語傍下身。仲有兩個前新聞主播出新書,一個係前體育主播伍家謙,佢唔講體育,執筆講解吓男人嘅心底話;而前新聞之花鄭萃雯,離開新聞工作崗位後,忙住湊一對孖仔,佢就將自己湊B常遇到嘅問題、心得結集成書,加入醫生解答,幫助各位新手父母。

森美一身超人造型做新書封面,相信書中內容充滿趣味性。

 

Ben sir唔教潮語教體育,原來佢係香港註冊嘅體育老師,教過八年體育,絕對有資格。

 

韓流成為時下嘅潮流,「韓流達人」宋芝齡都出書,教大家講幾句韓語。

 

前新聞之花鄭萃雯,將自己育兒心得結集成書,再加入醫生專業解答,破解唔少父母嘅煩惱。

 

前無綫體育主播伍家謙,出書解構呢一代男人嘅集體回憶,包括:潮流、科技、玩物。

 

林作推出嘅詞彙書,講解英文應試技巧,深入淺出,為香港學生而設。