林盛斌吹喇叭

一向鍾意飲酒嘅林盛斌（Bob），曾經好多次喺狂隊後失儀。譬如：佢試過飲醉後喺一眾記者面前強吻梁烈唯，又試過醉爆搗亂導演錢國偉嘅婚禮，最終搞到陳小春大嗌要追打佢。

之前，又有報道指Bob飲醉生事，就係喺張繼聰及謝安琪（Kay）家中拜年時，不停自隊兼劈酒，飲醉後不停爆粗，搞到Kay扯晒火。雖然成日因飲酒而出事，但係佢完全冇戒酒嘅心。

早排，東姑同一班朋友聚會，男女老幼大約五十人，嗰晚乜嘢酒都有，Bob最開心！而特別鍾意威士忌嘅佢，當場表演吹喇叭，成支飲晒之後，跟住不停喺度傻笑，仲攞埋個樽同班兄弟影合照，盡情、忘我！睇怕，佢唔記得老竇姓乜之餘，就連之前嘅恐怖經歷都忘記得一乾二淨。

Bob絕對係一隻好飯腳，一大班人食飯，佢絕對可以帶動全場嘅氣氛，令大家食得好回味。

Bob成支酒隊清晒，連佢朋友見到都覺得驚訝！

見到Bob呢個樣，就知佢有幾開心，玩得有幾癲。