為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 18 日

陳庭欣照做「屋邨妹」

早前,陳庭欣(Toby)被爆撻着身家過億嘅美容零售老闆楊振源(Benny)。雖然,佢否認「拜金」,但係喺咁敏感嘅時刻,佢又似忽然富貴,原本揸架幾萬蚊嘅日本車仔代步,最近一擲五十萬換咗架寶馬新車,好難唔令人有聯想!

早前,東姑就見佢揸住呢架新車,喺無綫電視城收工離開,金色嘅車身既高調又搶眼,感覺Toby對於傳聞,已經去到愛理不理嘅地步。然後,戴住口罩、拎住個紙袋嘅佢,如常咁返咗去同屋企人一齊住嘅九龍灣公屋寓所,似乎車就「升呢」咗,住就未見有大提升,暫時未可以搣得甩「屋邨港姐」呢個名住。

換上五十萬「金燦燦」寶馬新車代步嘅Toby,就算戴上口罩都好難低調,一眼就認到。

 

電視城收工後,Toby揸車照樣返回佢九龍灣公屋的寓所。

 

一直被標籤「屋邨港姐」嘅Toby,雖然座駕「升呢」,但居住嘅環境暫時未見有改變。