為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 15 日

黃子華《金盆o浪口》九大啜核金句

「男神」黃子華喺紅館連開廿六場嘅最後一個棟篤笑騷《金盆o浪口》,事前一度掀起撲飛同炒飛熱潮,一票難求。上周五(六日)晚,佢終於舉行首場演出,全場爆滿,連捧場嘅藝人亦眾多,包括:劉嘉玲、李嘉欣、黃秋生、吳鎮宇、黎耀祥、白雪仙、陳寶珠等。

古巨基同老婆一齊嚟睇,佢開騷前仲替老婆影相,似乎想呃like。

 

黎耀祥一家三口都嚟捧「子華神」場。

 

年屆九十歲嘅粵劇名伶白雪仙,由好友陳善之陪同下到場。

 

「男神」一出,劉嘉玲、施南生、鄺美雲等坐定定,睇得好投入。

 

吳鎮宇跟黃子華相識多年,之前二人又聯同張達明合作過《鬚根 Show》,所以點忙都要嚟撐老友場。

身穿黑色西裝出場嘅「子華神」,一出場就大爆金句造勢,「全晚兩句最重要嘅金句⋯⋯就係⋯⋯就係⋯⋯回水冇得傾,除褲太高清⋯⋯最後喇!金盆o浪口喇!有得嗌好嗌啦!」即時搞㷫現場氣氛。當晚佢講嘅話題寸盡香港嘅政治、社會民生、影圈、價值觀等,金句多籮籮,笑爆全場。講足近三粒鐘嘅佢,臨尾以清唱無綫昔日靈異劇嘅同名歌曲《幻海奇情》作結,但當佢唱到:「勞碌半生忙打拼,想喺太平盛世,做個小明星,贏咗有糖,時光荏苒⋯⋯」竟然好感動,並一度哽咽唱唔到落去;幸好經觀眾拍掌鼓勵,佢先順利唱完:「我回首望住,回首望住你個紅館至醒悟,能夠與各位喺度歡樂一笑,都算係幻海奇情。」

話晒係最後一次嘅棟篤笑騷,黃子華嘅演出真係出盡力,講到咬牙切齒,十分賣力。

當中有笑有淚,東姑睇完都有唔少反思,喺度節錄當晚嘅啜核金句同大家分享下:

1.今時今日喺香港做藝人唯一生存嘅機會係色盲,我都唔知黃同藍有咩分別?

2.歷代嘅忠良,係畀啲狗官迫害,打人就唔啱,岳飛咪唔啱,打人所以咪死囉。

3.我哋唔單止十套戲有九套係講黑社會嘅,我哋十個電影老闆有五個都係幫會。

4.一個企業,得一個CEO;但係一個幫會,每一個階層都叫做大佬。

5.jetso,有時唔係咁着數,有時要放棄表面嘅着數,先至係最jetso。

6.你講嘢唔分先後嘅,你食完飯先用筷子嘅,你出咗世先受精o架⋯⋯

7.瞻仰遺容嘅時候,你個妝仲厚過佢,咁,o依家都唔知邊個死咗,係唔係?

8.「花弗」呢個term呢,你一個人要花,首先係要弗。

9.性工作呢,就係你行入去就係野獸,行出嚟就好好做番個人啦!