為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 04 日

愛犬開工大陣仗 江美儀自認狗奴才

江美儀將於八月跟無綫改簽部頭合約,之後便轉移北上吸人仔。縱使沒有大樹庇蔭,但她的工作仍接踵而來,剛接下飲食節目《董事廚房》後,日前又帶同兩隻寶貝狗Teddy和Tina出動拍攝狗糧廣告,忽然「升呢」做「星媽」。

雖然收足六位數字的酬勞,但江美儀坦言帶牠們開工,十分大陣仗。當日,她不惜租用七人車,又要請寵物美容師跟場,更要全日抱狗,抱到自己膊頭勞損,簡直做狗好過做人,難怪她直認︰「我係狗奴才!」

江美儀帶兩愛犬拍廣告,出動七人車接載,抵埗後,其助手再拉來寵物車讓牠們安坐。

 

食得招積

江美儀的兩隻貴婦狗Teddy和Tina,現年分別八歲和兩歲,由於她不時帶牠們出席活動,兩隻狗對鏡頭毫不陌生,日前更獲一寵物糧食品牌睇中拍廣告,帶契主人搵真銀。

兩隻愛犬首度拍廣告,江美儀不容有失,除租七人車接載牠們,又搵來寵物美容師助陣;另外,她又帶了多套牠們的靚衫和飾物到場作配襯,緊張程度比自己出騷有過之而無不及。

拍攝前,江美儀先幫兩隻愛犬修剪毛髮扮靚,她又跟牠們講解拍攝內容,如人一樣看待,「你哋要乖,一陣要笑喎。」到正式埋位,江美儀抱着牠們影相,而助手則拎着小食在攝影師的身旁,引導牠們望鏡頭。兩隻愛犬表現出色,江美儀亦識做地獎勵牠們吃狗糧。當日拍了近四小時,雖然曾換場景,但兩隻狗都聽教聽話,全程跟足江美儀的指令。而「契爺」陳浚霆也親自到場探班,除了為「契女」江美儀送上蛋糕作下午茶之外,又為兩隻狗送上開工大利是,很有「長輩」的風範。

事後,江美儀指兩隻愛犬才是「主人」,「今次我哋收咗六個位數字嘅酬勞,唔錯o架!佢哋今日表現好好,好開心!我好錫佢哋,我喺屋企,係廿四小時開冷氣畀佢哋。而平時出街,我係抱住佢哋,好少畀佢哋行,有時都抱到膊頭勞損。至於佢哋食嘢,仲招積,工人係隔水蒸啲雞肉畀佢哋食,而佢哋仲會飲埋啲湯。有時,佢哋氣喘,我又會煲鱷魚肉、川貝、瘦肉湯畀佢哋飲。十二月更加會同佢哋坐私人飛機去日本旅行,所以佢哋先係主子,我係狗奴才。」

江美儀在整頭期間,兩隻狗同時都有專人替牠們梳毛,十分巴閉。

 

江美儀自認是狗奴才,為照顧好兩隻愛犬,出心、出力又出錢。