為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 04 日

陳惠敏夾硬被護送

現年七十一歲嘅陳惠敏,遊走黑白兩道交遊廣闊,又係打得之人,難怪多年來拍親電影,都係慣演江湖大佬嘅角色。不過,現實生活中,佢冇理江湖事兼冇做大佬好耐喇!聽聞,佢o依家得閒就弄孫為樂,係一位慈祥嘅爺爺。

早前,東姑就喺中環嘅置地廣場發現惠敏哥嘅蹤迹。當日見佢恤衫、西褲嘅打扮,加埋有兩男兩女嘅友人同行,英氣不減、霸氣猶在,仍似十足大佬咁款。之但係,東姑就聽到佢哋一行人傾偈,原來啱啱陪惠敏哥歎完茶,仲好照顧佢老人家,幾個人堅持送佢送到出門口。

其實,昔日嘅佢閒閒哋都一個打十個,o依家雖然年紀大咗,但係睇佢健步如飛,絕對唔使人照顧,呢班老友似乎太睇小惠敏哥喇啩!

一班男女友人跟尾同行嘅惠敏哥,仲係咁有大佬氣勢,霸氣不減當年。

 

雖然惠敏哥開到聲叫班老友唔使送,但係佢哋都係堅持,似乎睇小咗佢老人家。