為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 01 日

劉心悠鏡頭後變面

近來,劉心悠喺無綫熱播劇《宮心計2之深宮計》嘅演出,得到唔少觀眾嘅留意,一來由宮女「元玥」搖身一變成為「玲瓏公主」,呢個角色相當討好,二來係佢以唔鹹唔淡嘅廣東話講對白,畀唔少網民引為笑柄。

早前,無綫節目《東張西望》又為《宮》劇造勢,帶埋劉心悠走落銅鑼灣鬧市做街訪,兼大派荔枝。咁啱畀東姑撞見佢哋,睇得出「玲瓏公主」嘅威力果然強勁,唔少途人包圍住攝製隊,都想一睹「玲瓏公主」真人嘅風采。

東姑現場所見,心悠BB鏡頭前就笑容滿面,不過鏡頭背後就即刻變晒樣。唔好誤會佢咁有「心計」,只因為啲途人喺cut機之後,變得寧舍熱情啫,男男女女湧埋佢身爭住「集郵」,難免搞到心悠BB都有啲驚驚哋。好在有助手喺度幫手維持秩序,安排大家排隊逐個嚟影相,千祈唔好嚇親純純小BB嘛!

心悠BB呢幕出浴戲,雖然性感尺度一般,但已經令一眾宅男垂涎三尺。

 

喺《宮心計》入面飾演「玲瓏公主」嘅心悠BB,跟《東張西望》主持落銅鑼灣鬧市做街訪,吸引唔少途人圍觀。

 

鏡頭背後,畀大班途人圍住爭影合照嘅心悠BB,嚇到有啲變面。

 

其實,心悠BB同「玲瓏公主」角色一樣,純如小白兔,似受保護動物,見到斯文粉絲馬上又笑番。