為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 06 月 29 日

高球場保衛戰 犧牲球場香港更貧瘠

土地供應大辯論中嘅回收粉嶺高爾夫球場方案,引起各界極大迴響。多名高爾夫球名將紛紛致信土地小組,要求保留球場,包括剛剛去世嘅湯姆森(Peter Thomson)。佢去信後一個月就因柏金遜症去世,終年八十八歲,相信呢封信係佢喺球壇嘅最後抗爭。

湯姆森生前被譽為最偉大嘅澳州籍球手之一,仲同粉嶺高球場結下不解之緣。佢唔單止幫手復修球場,仲喺該處多次出賽,六十年代贏咗三次冠軍。

佢上月去信土地小組主席黃遠輝,希望佢放棄收回球場嘅決定:「政府有需要解決住屋問題,但唔係用咁有歷史性嘅高球場作為代價。球場係香港發展高球的中心,如果無咗,香港會顯得貧瘠。」

黃遠輝話,收過唔少球手寄嚟嘅信,但就唔記得湯姆森有無寄信畀佢。不過佢記得高爾夫球界「三巨頭」普萊爾(Gary Player)有份來信支持保留球場。普萊爾喺職業生涯中贏過九次大滿貫冠軍,仲係一名高爾夫球場設計師,為全世界設計咗三百幾個球場,包括西貢賽馬會滘西洲公眾高爾夫球南、北場。

香港哥爾夫球會亦兩度去信古物諮詢委員會,要求審視粉嶺高球場一九一一年興建的十八洞舊場的歷史評級,一旦納入法定古蹟,就有機會保留到。不過古諮會主席林筱魯就話,要同球會溝通後先再處理。

被譽為係最偉大澳州籍高球手嘅湯姆森,臨終前去信土地小組,要求保留粉嶺高球場。