為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 27 日

羅孝勇外強中乾

無綫「巨聲二幫」出身嘅羅孝勇(Sheldon),早前為咗參加西洋拳賽積極備戰,身形仲操到fit爆,周身一嚿嚿肌肉、零脂肪。不過,大隻還大隻、身手好還身手好,睇怕佢係外強中乾,身體可能「虧虧哋」。

點解東姑會咁樣講?皆因早前喺西環巧遇佢,大熱天時三十幾度,見佢大隻騾騾居然仲着住件褸,似係發冷怕凍,身子孱弱咁嘅款。而戴住副黑超嘅佢,全程一路行一路低頭,只顧玩住個電話,頭耷耷「病夫」咁嘅樣,仲要唔帶眼睇路;東姑都擔心佢一個唔覺意叉錯腳,仆親喺街就(火羅)爆喇!

東姑巧遇Sheldon嗰日係酷熱天三十幾度,但佢竟然着住件褸,真係恐防佢熱到生熱痱。

 

全程無論行或企,佢都一味做住「低頭族」,只顧玩住電話,仲要戴住黑超,小心仆親呀。

 

為參加西洋拳賽狂操的Sheldon,練到周身爆肌,腹肌更加成排朱古力。