為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 25 日

方中信淋雨扮瀟灑

現年五十五歲嘅型男方中信,素有「港版李察基爾」之稱,唔單止師奶、中女,玉樹臨風嘅外型,連二千後嘅少女都照樣殺埋。

早前,東姑就喺九龍城巧遇方中信,忍唔住都第一時間對佢「心心眼」。嗰日,佢全身運動衫褲加波鞋,就連cap帽及背囊,都係黑色系,堅係型到核爆!最離譜仲係,嗰日其實係陰天落住雨,全街嘅行人都擔晒遮,但係方中信唔知係咪要keep住瀟灑嘅造型,笠咗頂cap帽就算,連遮都唔擔一把,似乎佢都係誓要走型男路線!

落雨天人人都擔住把遮,唯獨方中信唔帶遮,真係夠晒瀟灑出眾。

 

由頭頂cap帽到衫褲波鞋,以至背囊都係黑色系列,型佬唔使太多花巧。

 

平常cool爆嘅方中信,對住老婆莫可欣、囡囡迦晴又係另一副面口,酷男都變番暖男。