何雁詩台上失儀
去年，鄭俊弘被踢爆背住未婚妻跟何雁詩撻着，二人搞到形象大打折扣，更盛傳何雁詩因不堪被指係「小三」， 一度因壓力爆煲，而醉酒自殘，割脈送院。 雖然呢一年佢哋嘅分手傳聞，不絕於耳，但係何雁詩繼續強調︰「我哋super OK！」又指被男友視作公主，大晒恩愛！
回復靚靚心情嘅何雁詩，日前出席無綫嘅Amazing Summer宣傳活動。臨尾一眾藝人影大合照時，拎住杯飲品嘅佢，一度踎低身影相；不過起身時，佢既怕倒瀉杯飲品， 又要就住條短裙仔，顧此失彼下，不慎春光乍洩。而自知失儀嘅佢，惟有以笑遮醜。東姑惟有喺度叮囑佢，下次要小心啲啦！
何雁詩同鄭俊弘拍拖後，雖然屢傳出分手，但至今二人依然打得火熱。
日前，何雁詩出席宣傳活動時，為咗唔倒瀉手上嘅飲品，搞到自己在台上失儀。
何雁詩自知失儀後，惟有火速夾埋腳，並尷尬咁企番起身。
