為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 16 日

袁嘉敏死過翻生

近年主力北上登台吸金嘅袁嘉敏(Candy),不時穿州過省演出。上月底,Candy 首次飛去西藏度商演,但經深圳飛重慶,再轉飛拉薩,行程都幾轉折。始終西藏係位於高海拔嘅地方,正常情況下係坐火車去西藏,等身體慢慢適應。不過, Candy由上機到回程只得三日時間,簡直係搵命搏。佢話一落機已經感受到高山反應,不但面青青,頭痛劇烈兼頭暈,一到酒店就開始嘔吐,仲嘔足一晚;幸好有當地朋友送上藥物同手提氧氣畀佢,佢先可以支撐到第二日嘅演出。

事後,Candy 回到港,同東姑講起仍猶有餘悸︰「嗰七十二小時真係好辛苦,我都驚自己捱唔住,咁就死o架啦!之前啲朋友叫我喺西藏要慢動作,唔好咁興奮。但我要演出,點可以唔high喎,呢次嘅演出真係好深刻。不過,拉薩啲風景好靚,我都有去布達拉宮出面度影相,跟住就返番去酒店聞氧氣。」死過翻生嘅佢,為紀念呢件事,日前就去咗名牌店度買隻鑽戒慶祝。佢強調自己搵嘅錢,真係有血有汗o架!

近年登台密密賺嘅袁嘉敏,買名牌鑽飾,又換了個Chanel手袋。

 

Candy 從拉薩回港後,日前現身中環名店買鑽飾,坦言要好好獎勵呢次亡命登台。

 

由深圳到西藏拉薩,成程用足十二小時,佢下機時,已一臉疲態。

 

因飽受高山症影響,佢全程要吸氧氣,但同時又不停流鼻血,相當難受。

 

由於佢持續頭痛頭暈,只得用意志支撐演出,不過臨完騷時,仍不慎跌倒,搞到隻腳紅腫了一大撻。

 

完成演出後,由於場地在布達拉宮旁,佢仍頂硬上去影相,指行去嗰一段路也相當辛苦。

 

嗰日活動係下午進行,場內觀眾有老有嫩,佢話見到佢哋咁熱烈歡迎,所以都落力咁去獻唱,暫時將頭痛置諸度外。

 

因要捱更抵夜登台唱歌,佢一返港,便會相約友人打羽毛球,多做運動,強健身體。