湊成「好」字！靚媽李蘊晒唯美孕照

藝人李蘊(Renee)在2016年5月首度做媽咪，誕下囡囡羅紫晞(晞晞)後，早前再在社交網公布喜訊，宣布懷有第二胎，至今陀B大概已經有7個月。Renee幾天前在社交網甫出一張超聲波相，叫大家估下BB的性別。昨天她終於開估啦，原來今胎係囝囝，她可以湊成一個「好」字了。

近日Renee趁著囝囝出世前，孖囡囡去影樓拍了一輯靚相，更上載到社交網與大家分享。她留言話：「比幾張靚相大家睇，其實係前日影嘅，出相超快，拍攝過程十分順利愉快 ，團隊很專業，晞晞也很合作呢！」穿上白色長裙的Renee，雖然已經懷有第二胎，但仍滲出少女味，而晞晞的表現亦非常淡定自然。網友大讚這輯相影得好靚，更封Renee做「幸福靚媽」添！

李蘊2016年誕下女兒晞晞，年初宣布再佗B，三年抱兩湊個「好」字！

 

女兒晞晞和媽媽李蘊一齊影孕照，一點都沒有怯場。

網友大讚李蘊係「幸福靚媽」，雖然懷有第二胎，但樣子依然少女味。

 

日前李蘊上載BB超聲波相，叫大家估估今胎係男定女。