曾被譽為「絕世好女友」的唐詩詠，隨着跟洪永城分手後，既被網民指斥不時借舊愛煲新聞推高人氣，還突然將她貶稱為「唐姨」，形象難免受影響。

不過感情失意，事業得意的唐詩詠，今年初便在無綫台慶頒獎禮上，鍊贏新加坡「視后」李佳芯（Ali），榮登香港「視后」寶座。近月，兩后相遇，同樣有份拍攝新劇《白色強人》，正所謂一山不能藏二虎。日前，唐詩詠跟李佳芯在數碼港拍攝宣傳片時，唐詩詠不時黐住「契哥」馬國明和「視帝」郭晉安傾偈，搞到被孤立的李佳芯勁無癮！

日前，等候拍攝新劇《白色強人》宣傳片時，站在唐詩詠後排的李佳芯，這麼近卻那麼遠。李佳芯只顧睇手機自娛，也懶得跟唐詩詠交流。

各自為政

當晚十一時許，郭晉安、馬國明、唐詩詠、李佳芯、張曦雯等，齊集在數碼港一商廈大堂，為新劇《白色強人》拍攝宣傳片。劇中，唐詩詠跟李佳芯分別飾演急症室和心胸肺外科醫生。鏡頭前，二人跟馬國明玩三角戀，兩女爭一男，火花十足；而鏡頭後，兩人同樣各顧各，香港「視后」跟新加坡「視后」互不咬弦，完全零交流。

據工作人員爆料︰「雖然詩詠跟Ali成日同場，但佢哋好少交流，話晒詩詠都捱咗多年，由底做起，唔同啲『有線幫』，一嚟就做主角。其實，之前Ali拎咗嗰個新加坡『視后』，都好多人藐爆，覺得佢未夠班。」

現場所見，唐詩詠和李佳芯各據一方，唐詩詠主力黐住「契哥」馬國明和「視帝」郭晉安傾偈，三人細聲講大聲笑；而馬國明更加愈講愈興奮，又指手劃腳。至於，被孤立的李佳芯則站在另一邊廂百無聊賴；幸好，同場遇上曾跟她合拍劇集《律政強人》的張曦雯，陪她吹水解悶。直至準備埋位，劇組將眾醫生排列，唐詩詠跟郭晉安企頭排；而李佳芯被則安排緊貼其後，不過，她寧願玩手機，也未有跟唐詩詠搭訕。

兩大「視后」同劇演出大鬥戲，早前，李佳芯避重就輕的說︰「我哋嘅對手戲多係救人場面，其餘都分得好開。其實，火花可以多啲，希望之後啲戲份會多啲。」至於，唐詩詠則只表示，二人是首次合作而已。看來兩人friend極有限。

同樣地，唐詩詠也寧願選擇玩手機，亦不願跟李佳芯溝通一下。

唐詩詠拉住郭晉安密密斟，李佳芯只得跟張曦雯吹水，兩后分開兩堆。