為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 11 日

郭羨妮不小心駕駛

郭羨妮(Sonija)一一年下嫁內地武術導演朱少杰,兩公婆雖然經常分隔兩地做嘢,聚少離多,但係感情似乎冇受影響。佢哋同埋五歲囡囡Kylie,一家三口就不時網上晒溫馨放閃。

早前,東姑喺將軍澳一間酒店遇見Sonija,揸住架黑色平治座駕,車埋郭媽媽離開。呢架車新車落地時都成五十幾萬;不過,佢一揸就揸咗十幾年,都冇換新車,睇嚟佢都幾應使則使,應慳則慳。之但係,東姑現場所見,佢開車揸住軚盤,仲一路揸車一路講住電話;可能係老公打嚟,兩公婆難得通電話維繫感情,傾到唔捨得收綫。

不過,安全駕駛始終係最重要,講電話揸車好容易分心又分神,下次都係唔好喇!

Sonija揸嘅呢架黑色平治,揸成十二年都未更換,認真知慳識儉。

 

揸住車都掛住講電話嘅Soniji,似乎唔多顧及駕駛安全。

 

一向孝順媽咪嘅Soniji,生咗囡囡Kylie之後,三婆孫三代同堂,樂也融融。