為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 09 日

梁烈唯奸出好「錢」途

之前幾年曾發表愛國言論嘅梁烈唯(唯唯),畀某部份網民強烈排擠,令佢呢幾年來喺香港嘅人氣都麻麻。

不過,唯唯最近喺無綫劇集《飛虎之潛行極戰》中,飾演行為癲喪兼且變態嘅前海豹突擊隊成員,以超高IQ同警方鬥智鬥力,令人眼前一亮。聽聞,佢為咗做呢個大反派,確實下咗唔少苦功,單喺外型方面,佢就特登操到爆晒肌;至於演繹方面,佢亦都邪氣十足,眼神同笑容都做到成個魔鬼咁款,令人不寒而慄。唯唯演活咗呢個大奸角,即刻得到海量香港及內地觀眾嘅激讚。

其實,唯唯喺內地一向都幾受歡迎,食住呢套劇嘅人氣,當然要去登台吸金。早排,東姑暗訪內地一間酒吧,當晚大會就請咗唯唯去唱三首歌。雖然佢只係着簡單嘅服裝,又冇跳舞表演,但係啲內地粉絲一見到佢,即刻非常之興奮,猛咁揮動手上支巨形螢光棒,當正唯唯係超級巨星。啲粉絲咁落力,唯唯就準備咗小禮物慰勞佢哋啦!

即使只係親筆簽名相一張,但係啲粉絲見到偶像派禮物,火速全部擁到上台前,令唯唯都受寵若驚,呆咗一呆!

當晚,唯唯做嘉賓表演唱歌,搞到酒吧座無虛席,佢嘅受歡迎程度可想而知。

 

為搶偶像嘅親筆簽名相,一眾粉絲蜂擁到台前大聲尖叫。

 

唯唯嘅一舉手一投足,都令粉絲情緒高漲,不停揮動手上嘅巨形螢光棒。

 

其實,唯唯喺內地一直都幾受歡迎,所以大把機會返去登台掘金。

 

唯唯喺劇集《飛虎之潛行極戰》飾演恐怖份子Kenny,邪氣十足。

 

舊年唯唯同老婆Tina生咗囡囡Karina,做咗爸爸嘅唯唯只要唔使開工,就會陪住囡囡。