為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 08 日

曾偉權有契妹窩心照顧

《宮心計2深宮計》自播出後好評如潮,不過角色人物太多,有很多好戲之人,出場一陣就要「被死亡」,例如:陸詩韻、米雪等。而早幾集嘅焦點,就落咗喺飾演駙馬武攸暨嘅曾偉權身上,駙馬對公主一往情深,既為佢頂罪,又怕佢傷心;於是,臨終前瞞騙公主,聲稱自己仍掛住亡妻,等公主死心。駙馬傷心欲絕,又唔可以畀人知道,雙手掩面痛哭嘅呢一幕戲,真係睇到東姑雞皮都起埋。

現年五十六歲嘅曾偉權,係第一期亞視藝員訓練班出身,讀完一年課程後就開始拍劇,第三部劇就做男主角。喺九一年,佢轉投無綫,一二年過檔港視,一五年回歸無綫。喺電視圈打滾逾三十六年,拍過唔少經典劇集,所以出街都好多人識得佢。

 

喺《宮》劇中,為咗要公主陳煒對自己死心,駙馬曾偉權假意話自己仲掛念前妻。

 

陳煒離開後,曾偉權忍唔住痛哭,為怕有人聽到,惟有用雙手緊緊掩着自己個嘴。

劇中,曾偉權確實係癡心情長劍,現實生活呢?八五年,佢同梅小惠拍拖;九六年,兩人就曾傳婚訊;之後,佢哋突然宣佈結束十三年嘅情侶關係。跟住,佢轉冧梅小惠嘅好友、馬拉歌手葉麗儀;不過,「曾葉戀」最後因分隔兩地,三年後分手收場。

早年,曾偉權就喺社交網識咗一個叫波兒嘅女人。雖然佢用契兄妹形容兩人嘅關係,但係呢個契妹會照顧契哥嘅起居飲食,而契哥更加打本畀契妹開琴行,關係非比尋常。曾偉權就曾經向東姑解畫:「我哋認識後,大家好夾,相處OK;而且我又單身一個人,佢會煮飯,照顧我起居飲食,純粹係咁。我哋唔係拍拖!關係清晰,我對佢感覺就好似一個細妹,佢亦都知道。至於開琴行,就只係適當時候做適當嘅事。佢原本教琴,剛好我哋又搵到地方做琴室⋯⋯純粹係一門生意,並唔係打本。」

喺波兒個微博入面,貼滿晒同曾偉權嘅溫馨合照,兩人經常喺屋企撐枱腳,曾偉權仲赤裸上身,真係淨係兄妹關係咁簡單?

曾偉權喺社交網見到波兒唔識照顧動物,於是主動聯絡佢,結果發現相當投契,而多年來,兩人都以契兄妹相稱。

 

兩人嘅關係非常曖昧,經常喺屋企煮嘢食撐枱腳,曾偉權仲要赤裸上身,情非泛泛。

 

曾偉權與梅小惠(圓圖)曾經拍拖十三年,難怪曾偉權成為咗梅小惠家姐梅小青(左圖)嘅御用演員;而今次《宮》劇由梅小青擔任總監製,又點會少咗佢嗰份呢?